ئەمازۆن 30 هەزار کارمەند لەکار لادەدات و ڕۆبۆت دەخاتە شوێنیان

ئاڤا نیوز

 

کۆمپانیا ئەمازۆن بڕیاری داوە دەستبەرداری 30 هەزار کارمەندی کۆمپانیاکە بێت و لە شوێنی ئەوان ڕۆبۆت بخاتە سەر کار.

 

بڵاوکراوەی فەرمی: ئەمڕۆ ئاژانسی ڕۆیتەرز بڵاوی کردووەتەوە، کۆمپانیای ئەمازۆن 30 هەزار هەلی کار لە لقە جیاوازەکانی کۆمپانیاکە کەم دەکاتەوە و ئیتر لە شوێنی ئەو کارمەندانە ڕۆبۆتەکان کار دەکەن. ئەم ژمارەیە یەکسانە بە %10ـی کۆی دەستی کاری کۆمپانیاکە کە ژمارەیان 350 هەزار کارمەندە. 

 

ئەوەی پێویستە بیزانیت: لە ساڵی 2022 ئەمازۆن لە هەوڵێکی دیکەدا 27 هەزار کارمەندی لەکار لادا و لە شوێنیشیان ڕۆبۆت دانران.

 

کاردانەوەکان؛ کارمەندان لە سەرتاسەری جیهان بەو هەوڵەی ئەمازۆن نیگەران و دڵگرانن.

 

زانیاریی زیاتر؛ ئەو بەشانەی کە لەلایەن مرۆڤەکانەوە بەڕێوەدەبران و گۆڕان بۆ ڕۆبۆتەکان بریتین لە: سەرچاوە مرۆییەکان و بەشی پاکینگ و لەکارتۆن نانی داواکارییەکان و سەنتەرە خزمەتگوزارییەکان و چەندین بەشی دیکە.

 

ئەمەش بزانە؛ کۆمپانیای ئەمازۆن کۆمپانیایەکی تەکنەلۆژیی جیهانییە کە بە پلاتفۆرمی بازرگانیی ئەلیکترۆنی و خزمەتگوزارییەکانی و بازاڕی ئۆنلاین ناسراوە، لە سەرەتادا وەک کتێبفرۆشێکی ئۆنلاین لەلایەن جێف بیزۆسەوە لە ساڵی 1994 دامەزرا و دواتر بووە گەورەترین کۆمپانیا بۆ بازاڕی ئۆنلاین.