ترەمپ: لەبەر سەرقاڵیی زۆرم نەمتوانی کیم جۆنگ ئون ببینم

ئاڤا نیوز

دۆناڵد ترەمپ، سەرۆکی ئەمریکا، کۆتایی بە گەشتەکەی بۆ وڵاتانی ئاسیا هێنا، بە بێ ئەوەی چاوی بە کیم جۆنگ ئون، ڕێبەری کۆریای باکوور بکەوێت.

لێدوانی فەرمی: دۆناڵد ترەمپ بە ڕۆژنامەنووسانی ڕاگەیاند، لەبەر ئەوەی زۆر "سەرقاڵ" بووم، نەمتوانی لە کۆریای باشوور چاوم بە کیم جۆنگ ئون بکەوێت بەڵام لەوانەیە جارێکی دیکە بگەڕێمەوە. 

زانیاریی زیاتر: ترەمپ سەبارەت بە پەیوەندییەکانی لەگەڵ کیم جۆنگ ئون گوتی، پەیوەندییەکی "زۆر باش"ی لەگەڵ ئەودا هەیە.

ئەمەش بزانە: لە میانەی گەشتەکەیەدا بۆ وڵاتانی ئاسیا، سەرۆکی ئەمریکا لەگەڵ ژمارەیەک بەرپرسی وڵاتان، لەوانەش سەرۆکی چین، کۆبوویەوە؛ چاوەڕێ دەکرا لەم سەردانەیدا چاویشی بە کیم جۆنگ ئون بکەوێ، بەڵام ئەمە ڕووی نەدا.