تیروپشکی پێدانی زەوی بۆ نزیکەی هەزار فەرمانبەری دیکە کرا

ئاڤا نیوز

نزیکەی هەزار فەرمانبەر لە سنووری شارەوانی سێبیران زەوییان پێدەدرێت و ئەمڕۆ تیروپشکی دابەشکردنی زەوییان بۆ کرا.

چیرۆکی سەرەکی: ئەمڕۆ پێنجشەممە، 30-10-2025، تیروپشک بۆ دابەشکردنی زەوی بەسەر نزیکەی هەزار فەرمانبەر کرا، کە کارتی زانیارییان سنووری شارەوانیی سێبیرانە.

لێدوانی فەرمی: ساسان عەونی، وەزیری شارەوانی و گەشتوگوزار گوتی: ئەمڕۆ تیروپشک بۆ دابەشکردنی زەوی بەسەر نزیکەی هەزار فەرمانبەری سێبیران و دەوروبەری کرا. لە ڕۆژانی داهاتوو نەخشە و کارەکانی دابەشکردنی زەوی لە سنووری شارەوانی بنەسڵاوە و کەسنەزان و دارەتوو تەواو دەبێت و هەفتەی داهاتوو تیروپشکیان بۆ دەکرێت و نزیکەی 16 هەزار فەرمانبەر لێی سوودمەند دەبن.

لەلایەکی دیکەوە: ئومێد خۆشناو، پارێزگاری هەولێر گوتی: لە نەخشەی ئەو زەوییانەی بۆ فەرمانبەران تەرخان کراوە، ڕەچاوی ڕێژەی سەوزایی و فراوانی شەقامەکان کراوە، لە ئایندەیەکی نزیکدا ڕێگای سەرەکی سێبیران نۆژەندەکرێتەوە.