ئێران: ئەمریکا هۆکاری بڵاوبوونەوەی چەکی ئەتۆمییە

ئاڤا نیوز

دوای ئەوەی دۆناڵد ترەمپ، سەرۆکی ئەمریکا، فەرمانی دووبارە دەستپێکردنەوەی تاقیکردنەوەی چەکی ئەتۆمی دەرکرد، ئێران کاردانەوەی نیشان دا.

لێدوانی فەرمی: عەباس عێراقچی، وەزیری دەرەوەی ئێران ڕایگەیاند، ئەم بڕیارەی ترەمپ نیشانەی ئەوەیە کە ئەمریکا مەترسیدارترین هۆکاری بڵاوبوونەوەی چەکی ئەتۆمییە لە جیهاندا.

زانیاریی زیاتر: عێراقچی لە تۆڕی کۆمەڵایەتیی ئێکس نووسیویەتی ترەمپ کە وڵاتەکەی چەکی ئەتۆمیی هەیە، ناوی وەزارەتی بەرگری بۆ وەزارەتی جەنگ گۆڕیوە و ئێستاش دەست دەکاتەوە بە تاقیکردنەوەی چەکە ئەتۆمییەکانی؛ کەچی بەرنامەی ئاشتییانەی ئەتۆمیی ئیران بە مەترسیدار ناو دەبات و هەڕەشەی هێرشی زیاتر بۆ سەر دامەزراوە ئەتۆمییەکانی ئێران دەکات؛ هەموو ئەم کردارانە پێچەوانەی ئاشکرای یاساکانی نێودەوڵەتین.

ئەمەش بزانە: ئەمریکا لە ساڵی 1992ـەوە تاقیکردنەوەی چەکە ئەتۆمییەکانی وەستاندووە.