سزاکانی ئەمریکا کێشە بۆ مووچەی سەرۆکی کۆڵۆمبیا دروست دەکات

ئاڤا نیوز

بە تۆمەتی ڕێگری نەکردن لە بازرگانیکردن بە ماددە هۆشبەرەکان، ئەمریکا سزای بەسەر سەرۆکی کۆڵۆمبیا سەپاندووە، پارێزەرەکەی دەڵێت، ناتوانێت کارەکانی ڕایی بکات.

چیرۆکی سەرەکی: هەفتەی پێشوو ئیدارەی دۆناڵد ترەمپ، سەرۆکی ئەمریکا، بە تۆمەتی بەرەنگارنەبوونەوەی بازرگانیکردن بە ماددە هۆشبەرەکان گوستاڤۆ پیترۆ، سەرۆکی کۆڵۆمبیا و هاوسەرەکەی و یەکێک لە کوڕەکانی و وەزیری ناوخۆی خستە لیستی سزاکانی وەزارەتی گەنجینەی ئەمریکاوە.

لێدوانی فەرمی: دانیال کۆڤالیک، پارێزەری سەرۆکی کۆڵۆمبیا، ڕایگەیاند، کارت و هەژمارە بانکییەکانی سەرۆکی کۆڵۆمبیا بلۆک کراون، بۆیە لە وەرگرتنی مووچەکەیدا ڕووبەڕووی کێشە بووەتەوە.

زانیاریی زیاتر: بەهۆی سزاکانەوە کۆمپانیایەکی سووتەمەنی سەر بە ئەمریکا، ڕەتی کردووەتەوە سووتەمەنی بۆ فڕۆکەی سەرۆکایەتی کۆڵۆمبیا لە ئیسپانیا دابین بکات.