ترەمپ: بیرم لە هێرشکردنە سەر ڤەنزوێلا نەکردووەتەوە

ئاڤا نیوز

سەرۆکی ئەمریکا ڕەتیکردەوە بیری لە هێرشکردنە سەر ڤەنزوێلا کردبێتەوە، ئەمەش لە کاتێکدایە ڤەنزوێلا نیگەرانە لەوەی کۆکردنەوەی هێزێکی زۆری سەربازی ئەمریکا لە ناوچەکەدا بە ئامانجی گۆڕینی ڕژێمەکەی بێت.

چیرۆکی سەرەکی: لە سەرەتای مانگی نۆوە، ئەمریکا چەندین هێرشی ئاسمانی لە زەریای هێمن، بەتایبەتی لە دەریای کاریبی ئەنجامداوە کە تێیدا بەلەمیی قاچاخچیانی گواستنەوەی ماددە هۆشبەرەکانی کردووەتە ئامانج. 

لێدوانی فەرمی: کاتێک پەیامنێرێک لەسەر فڕۆکەی سەرۆکایەتی پرسیاری لە ترەمپ کرد سەبارەت بەو ڕاپۆرتانەی کە باس لەوە دەکەن ئەو بەنیازی ئەنجامدانی هێرش بێت بۆ سەر ڤەنزوێلا، ترەمپ ڕەتیکردەوە و وتی نەخێر.

زانیاریی زیاتر: پێشتر ترەمپ دانی بەوەدانابوو کە ڕێگەی بە ئۆپەراسیۆنە نهێنییەکانی دەزگای هەواڵگری ناوەندی ئەمریکا CIA لە ناو خاکی ڤەنزوێلادا داوە، هەروەها ئەم دواییانە باسی لە ئەگەری هێرشی وشکانی کردبوو بۆ سەر باندەکانی قاچاخی ماددە هۆشبەرەکان.

لەلایەکی دیکەوە: نیکۆلاس مادۆرۆ، سەرۆکی ڤەنزوێلا، واشنتنی تۆمەتبار کرد بە بەکارهێنانی قاچاخچێتی ماددە هۆشبەرەکان وەک بیانوویەک بۆ سەپاندنی گۆڕانکاری لە ڕژێمەکەیدا و دەستبەسەرداگرتنی نەوتی ڤەنزوێلا.