لە مانگێکدا 22 کەس بە تۆمەتی بانگەشە بۆ حیزبی بەعس لە عێراق دەستگیر کراون

ئاڤا نیوز

دەزگای ئاسایشی نیشتمانیی عێراق ڕۆژی هەینی، ئەنجامی ئۆپەراسیۆنەکانی بۆ مانگی 10 لە پارێزگاکانی عێراق ڕاگەیاند، بەپێی ڕاگەیێنراوی دەزگاکە 27 کەس بە تۆمەتی تیرۆر و 22 کەسی دیکەش بە تۆمەتی بانگەشەکردن بۆ حیزبی بەعسی هەڵوەشاو دەستگیرکراون.

ڕاگەیێنراوی فەرمی: دەزگای ئاسایشی نیشتمانی عێراق مانگانە ئاماری ئۆپەراسیۆنەکان بڵاودەکاتەوە، کە لیستی دەستگیرکراوانی تۆمەتباران لەخۆ دەگرێت، مانگی 10ی ئەمساڵ 298 تۆمەتبار بە تاوانی جیاواز دەستگیر کراون.

ئامارەکان بەمجۆرە دابەش کراون

٠ 27 تۆمەتباری تیرۆر 
٠ 63 بازرگانی ماددەی هۆشبەر
٠ 126 کەسی تۆمەتبار بە ڕەشبگیری و هەڕەشەکردن
٠ 6 کەس بە تۆمەتی بازرگانیکردن بە ئەندامەکانی مرۆڤ
٠ 29 کەس بەتۆمەتی ساختەکاری و فێڵکردن
٠ 14 کەسی سەر بە بزووتنەوە ئاینییە تووندڕەوەکان
٠ 22 کەس بانگەشەیان بۆ حیزبی بەعس کردووە
٠ 11 کەس بەڵگەنامەی جیاوازیان ساختە کردووە