ئیسرائیل بۆ حەماس: ئەو تەرمانەی ڕادەستکراون بارمتەکانمان نین

ئاڤا نیوز

لەبارەی ئەو تەرمانەی کە ئەمڕۆ شەممە بەدەست ئیسرائیل گەیشتوون، سەرچاوەیەکی ئیسرائیلی ئاشکرای دەکات ئەو تەرمانەی هی بارمتەی ئیسرائیل نین.

چی ڕوودەدات: دوای ئەوەی دوێنی هەینی ڕێکخراوی نێودەوڵەتیی خاچی سوور تەرمی سێ بارمتەی دیکە گەڕاندەوە بۆ بەرپرسانی ئیسرائیل، ڕەوانەی پزیشكی داد کران بۆ ئەنجامدانی پشكنین.

زانیاریی بەدەستهاتوو: کەناڵی 12ـی ئیسرائیلی ئاشکرای دەکات، ''ئەو تەرمانەی کە گواستراوەوە بۆ ئیسرائیل، هی هیچ کام لەو بارمتانە نین کە لەلایەن حەماسەوە گیراون''.

لەلایەکی دیکەوە: لای خۆیەوە کەناڵی 13ـی ئیسرائیل ئاماژەی بەوەدا کە حەماس خاچی سووری ئاگادارکردووەتەوە کە خاوەنی ئەو تەرمانە ناناسن، بەڵام پێشنیازی کردووە ئیسرائیل پشکنینیان بۆ بکات.