لە هەولێر 10 تەرزی گەنم و جۆی ناوخۆ پەسەند کراون

ئاڤا نیوز

بۆ ئەمساڵ لە هەولێر 10 تەرزی گەنم و جۆ کە لە بەڕێوەبەرایەتیی توێژینەوەی کشتوکاڵی هەولێر پەسەند کراون، خراونەتە بەردەستی جووتیاران کە لەگەڵ کەشوهەوای هەرێمی کوردستان گونجاون.

وێنە گەورەکە: لە هەرێمی کوردستان ساڵانە بەپێی بارانبارین، لە کۆتایی وەرزی پاییز و سەرەتای وەرزی زستان گەنم دا دەچێنرێت، بەپێی توێژینەوە کشتوکاڵییەکانیش، ئەگەر زوو باران ببارێت و پەڵەی بدات لە ناوەڕاستی مانگی 11 تا ناوەراستی مانگی 12 گونجاوترین کاتە بۆ چاندنی گەنم، بە تایبەت بۆ ئەو تەرزانەی لە هەرێمی کوردستان تۆمار کراون.

لێدوانی فەرمی: عەبدولسەمەد محەممەد، بەڕێوەبەری توێژینەوەی کشتوکاڵی هەولێر بە ئاڤا میدیای گوت:  هەموو ئەو تەرزانەی پەسەند کراون توێژینەوەی زانستیی وردیان لەسەر کراوە و گونجاوترینن بۆ کەشوهەوای کوردستان.

زانیاریی زیاتر: هەشت تەرزی گەنم و دوو تەرزی جۆ لە بەڕێوەبەرایەتیی توێژینەوەی کشتوکاڵی هەولێر پەسەند کراون کە ئەمانەن:

تەرزەکانی گەنم: 

هەولێر دوو
هەولێر سێ
هەولێر چوار
هەولێر هەشت
هەولێر 10
هەولێر 14
کۆیە چوار
کۆیە 18

تەرزەکانی جۆ:

قەڵا یەک
قەڵا دوو

زانیاریی زیاتر: ئەمساڵ زیاتر لە سێ هەزار تۆن لەو تەرزانە بەسەر جووتیاران دابەش کراون.

خاڵە ئەرێنییەکان: ئەو تەرزانەی کە لە هەولێر تۆمار کراون و لەلایەن هەردوو وەزارەتی کشتوکاڵی هەرێمی کوردستان و عێراق پەسەند کراون، کێبڕکێی تەرزە بیانییەکان دەکەن لە ڕووی بەرهەم، کوالێتی، بەرگری بۆ نەخۆشی و بەرگەگرتنی کەمئاوی.