بەرپرسێکی باڵای ئەمریکا بۆ زیادکردنی گوشارەکان لەسەر ئێران دێتە ڕۆژهەڵاتی ناوەڕاست

ئاڤا نیوز

وەزارەتی گەنجینەی ئەمریکا بڵاویکردووەتەوە، ڕێگریکردن لە دەستگەیشتنی ئێران و بریکارەکانی بە سەرچاوە داراییەکان، جۆن هێڕڵی، یاریدەدەری وەزیری گەنجینەی ئەمریکا بۆ کاروباری تیرۆر و هەواڵگریی دارایی، گەیشتە ڕۆژهەڵاتی ناوەڕاست.

زانیاری بەدەستهاتوو: بڕیارە ئەو بەرپرسە لەسەردانەکەیدا بچێتە ئیسرائیل، ئیمارات، تورکیا و لوبنان. ئەمەش یەکەم گەشتی ناوبراوە بۆ ڕۆژهەڵاتی ناوەڕاست لەوەتەی پۆستەکەی وەرگرتووە.

لێدوانی فەرمی: جۆن هێڕڵی ڕایگەیاند، سەرۆک ترەمپ بە ڕوونی ڕایگەیاندووە چالاکییە ناسەقامگیر و تیرۆریستییەکانی ئێران پێویستە بە گوشاری بەردەوام و هەماهەنگ وەڵام بدرێنەوە.

وتیشی، لەگەڵ هاوبەشەکانمان کۆدەبمەوە بۆ ڕێگریکردن لە دەستگەیشتنی ئێران و بریکارەکانی بە سەرچاوە داراییەکان، بە خۆدزینەوەی لە سزا نێودەوڵەتییەکان.

ئەوەی پێویستە بیزانیت: بەپێی زانیارییەکان کاری ئەم بەرپرسە باڵایەی گەنجینەی ئەمریکا هەڵسەنگاندنی سزاکانی ئێستای سەر ئێرانە و ئەگەر ئەو وڵاتە پابەند نەبووبێت، پێداچوونە بە سزاکانیان دەکەن بە جۆرێک ئێران نەتوانێت پەرە بە بەرنامە ئەتۆمی و مووشەکییەکەی بدات.

باکگراوند: دوای دەستبەکاربوونی بۆ خولی دووەمی سەرۆکایەتی، ترەمپ هەڵمەتی زۆرترین گوشاری لە دژی ئێران دەستپێکردەوە، کە هەوڵەکانی بۆ ڕێگریکردن لە تاران بۆ پەرەپێدانی چەکی ئەتۆمی لەخۆدەگرێت.