یەکەم کوردی ئێزدی دەبێتە ئەفسەر لە سوپای ئەمریکا

ئاڤا نیوز

لە دەستکەوتێکی مێژوویی گرنگدا، بۆیەکەمجار گەنجێکی کوردی ئێزدی لە ئەمریکا کە بە ڕەچەڵەک خەڵکی قەزای شنگالە، پلەی سەربازیی وەردەگرێت و دەبێتە ئەفسەر لە سوپای ئەمریکا. 

زانیاریی بەدەستهاتوو: تەحسین سمۆ، یەکێکە لە کوڕانی شێخەکانی ئەماددین لە قەزای شنگال، لە کۆلێژی ئەرکانی ئەمریکا بە پلەی مولازمی یەکەم دەرچووە و بووەتە ئەفسەر لە ڕیزەکانی سوپای ئەو وڵاتە.

زانیاریی زیاتر: تەحسین گەنجێکی چالاکی کوردانی ئێزدییە و لەو ئاستە نەوەستاوە، لەئێستادا، درێژە بە خوێندن و هەوڵەکانی دەدات و خوێندکاری ماجستێرە لە بواری ستراتیژییەت و هەواڵگریی سەربازی لە یەکێک لە زانکۆکانی ویلایەتی مریلاند.