سەرۆک بارزانی بۆ خەڵكی مەخموور: دەنگ بەو لایەنە بدەن ڕۆڵی هەبووە لە پاراستنی ناوچەكە

ئاڤا نیوز

سەرۆک بارزانی داوا لە خەڵكیی دەڤەری مەخموور و ناوچەكانی دیكەی سنووری ماددەی 140 دەكات كە لەپێناو جێبەجێكردنی ماددەی 140ـی دەستوور، بەگڕوتینەوە بەشداری هەلبژاردن بكەن و دەنگ بەو لایەنە بدەن كە ڕۆڵی هەبووە لە پاراستنی ناوچەكانیان.

چیرۆكی سەرەكی: ئەمڕۆ دووشەممە 3ـی تشرینی دووەمی 2025، لە پیرمام، سەرۆک مەسعود بارزانی پێشوازی لە شێخ و پیاو ماقووڵانی عەرەب لە قەزای مەخموور کرد.

بڵاوكراوەی فەرمی: بارەگای بارزانی لەبارەی دیدارەكە ڕاگەیێنراوێكی بڵاوكردەوە و تێیدا ئاماژەی بەوە كردووە، سەرۆک بارزانی خۆشحاڵی خۆی بەو دیدارە دەربڕی و سوپاسی شێخ و پیاو ماقووڵانی عەرەبی سنووری قەزای مەخمور و دەورووبەری کرد بەرامبەر ئەو ڕۆڵە ئیجابییەی هەیانبووە بۆ پاراستنی ناوچەکانیان و پاڵپشتیان بۆ پێکەوەژیان و پابەندبوونیان بە کولتوور و برایەتیی نێوان کورد و عەرەب و پێکهاتەکانی تری ئەو ناوچانە.

زانیاریی زیاتر: لە بارەی هەڵبژاردنی داهاتووی ئەنجوومەنی نوێنەرانی عێراق، سەرۆک بارزانی ڕۆڵی شێخ و پیاو ماقووڵانی دەڤەری مەخمووری بە گرنگ وەسفکرد، و ئاماژەی گرنگی بەشداریی خەڵکی ئەو ناوچانە كرد لە پرۆسەی دەنگدان و داوای لێكردن بەگوڕوتینەوە بەشداری هەڵبژاردن بکەن و دەنگ بەو لایەنە بدەن کە ڕۆڵی هەبووە لە پاراستنی ناوچەکانیان، لە پێناو ئاساییکردنەوەی دۆخی ئەو ناوچانە و جێبەجێکردنی مادەی 140ـی دەستووری عێراق.

لەلایەكی دیكەوە: هەر لەو کۆبوونەوەیەدا، سەرۆک بارزانی گۆڕانکاری و ئاڵنگارییەکانی بەردەم پڕۆسەی سیاسیی عێراق و ناوچەکە و پێشهات و گۆڕانگارییەکانی بە گشتی بۆ شاندی میوان خستە ڕوو.