شازادەی جێنیشینی سعوودیە دەچێتە کۆشكی سپی

ئاڤا نیوز

بڕیارە شازادەی جێنیشینی سعوودیە سەردانی کۆشكی سپی بکات و لەگەڵ دۆناڵد ترەمپ، سەرۆکی ئەمریکا کۆببێتەوە.

زانیاریی بەدەستهاتوو: بەرپرسێکی کۆشکی سپی بە کەناڵی "ئەلعەرەبیە ئینگلیز"ـی ڕاگەیاند، محەممەد بن سەلمان، شازادەی جێنشینی سعوودیە ڕۆژی 18ی ئەم مانگە بە سەردانێکی فەرمی لە کۆشکی سپی دەبێت و لەگەڵ سەرۆکی ئەمریکا کۆدەبێتەوە.

ئەوەی پێشبینی دەکرێت: بڕیارە لەم دیدارەدا چەند ڕێککەوتنێک تاوتوێ بکرێن، لەوانە ڕێککەوتن لەبواری بەرگریی و تەکنەلۆژیا هاوکات پتەوکردنی پەیوەندییە دوو قۆڵییەکانی نێوان واشنتن و ڕیاز لە چەند مانگی ڕابردوودا بە شێوەیەکی بەرچاو قووڵتر بووەتەوە.

ئەوەی پێویستە بیزانیت: ترەمپ لە هەردوو خولی سەرۆکایەتییەکەی، یەکەم سەردانی دەرەوەی بۆ وڵاتی سعوودیە بووە و بە یەکێک لە وڵاتە هاوپەیمانە نزیکەکانی هەژماری دەکات.