حەماس ڕەتیدەکاتەوە پاشەکشە لە مەرجەکانی ئاگربەست بکات

ئاڤا نیوز

 

گرووپی چەکداری حەماس ڕایدەگەیێنێت، لە مەرجەکانی بۆ ڕازیبوون بە ئاگربەست "پاشەکشە" ناکات. هاوکات ئاماژە بەوەش دەکات کە ڕازی بووە نێردەی خۆی بۆ گفتوگۆ نوێکانی تایبەت بە ئاگربەست بۆ قاهیرە بنێرێت. 

 

وێنە گەورەکە: لە قاهیرە، ئامادەکارییەکانی گەڕێکی نوێی گفتوگۆکانی پەیوەست بە ئاگربەستی غەززە و ئازادکردنی بارمتەکان تەواو بوون کە بڕیارە بە نێوەندگیریی ئەمریکا، قەتەر و میسر بەڕێوە بچن. 

 

ئەوەی پێویستە بیزانیت: پێش دەستپێکردنی گفتوگۆکان حەماس ڕایگەیاند: هەڵوێستی پێشووی خۆی پشتڕاست دەکاتەوە کە 14ـی ئادار دەریبڕیووە و پاشەکشە لەو هەڵوێستەی ناکات. 

 

زانیاریی زیاتر: مەرجە سەرەکییەکانی حەماس بریتین لە ئاگربەستی تەواوەتی لە غەززە و کشانەوەی هێزەکانی ئیسرائیل لە خاکی فەلەستین.