خوێندنی بەخۆڕایی لە ئەپڵیکەیشنی دیڵزەوە بۆ منداڵی پێشمەرگە

ئاڤا نیوز

کوردستان فاوەندەیشن بەسەرپەرشتی ئارین مەسرور بارزانی، لە ڕێگەی ئەپڵیکەیشنی دیڵزەوە دەستیپێشخەریەکی نوێ بۆ خوێندنی بەخۆڕایی ڕادەگەیەنێت. 

چیرۆکی سەرەکی: ئەپڵیکەیشنی دێڵز خزمەتگوزارییەکی نوێیە و بەکارهێنەرانی دەتوانن لە ڕێگەیەوە داشکاندن وەربگرن لە چەند شوێنێکی جیاواز لەوانە؛ نەخۆشخانە، مارکێت، کافتریا، ڕێستۆرانت، مۆڵ، دەرمانخانە.

زانیاریی زیاتر: ئێستا ئەم ئەپڵیکەیشنە دەرفەتێکی جیاوازی بۆ دەرچووانی پۆلی 12ی ئامادەی ڕەخساندووە، کە دابینکردنی 30 کورسی لەو ژمارەیەش 20 کورسی بۆ منداڵی پێشمەرگەیە و 10 کورسی دیکەش بۆ خەڵکی دیکە و دەتوانن فۆڕم پڕبکەنەوە. 

ئەوەی پێویستە بیزانیت: ئەو کورسیانەی دابینکراون لە پەیمانگای نۆبڵی ئەهلییە لە هەولێر کە 11 بەشی جیاوازی لەخۆگرتووە لەوانە؛ ڕاگەیاندن و مارکێتینگ، تەکنۆلۆژیای نەوت، زمانی ئینگلیزی، ژمێریاری، کارگێری، تەکنۆلۆژیایی زانیاریی، بەشی جوانکاری.