ژمارەی ئەو گەشتە ئاسمانییانەی ئەمریكا كە بە هۆی داخستنی حكومەتەوە ڕاگیراون ڕوو لە زیادبوونە

ئاڤا نیوز

شارەزایان هۆشداری دەدەن ئەگەر کۆنگرێس بە زوویی بودجەکان نەگەڕێنێتەوە، ئاڵۆزیی لە گەشتە ئاسمانییەکان ڕەنگە زیاترببن، بە تایبەتی لە ناوەندە سەرەکییەکان لە کاتی قەرەباڵغترین کاتەکانی گەشتکردندا.

وێنە گەورەکە: داخستنی حکومەتی فیدراڵی کە زیاتر لە مانگێك بەسەریدا تێپەڕیوە، وای کردووە 13 هەزار کۆنتڕۆڵکەری هاتووچۆی ئاسمانی و 50 هەزار بریکاری دەزگای ئاسایشی گواستنەوە بەبێ مووچە کاربکەن، ئەمەش بووەتە هۆی دواکەوتن و هەڵوەشاندنەوەی گەشتەکان و پێشبینی دەکرێت ڕۆژانە نزیکەی هەزار و 800 گەشت هەڵبوەشێنرێنەوە.

لێدوانی فەرمی: وەزارەتی گواستنەوەی ئەمریکا ڕایگەیاند، گەشتە ئاسمانییەکان بە ڕێژەی 10% لە 40 فڕۆکەخانەی سەرەکی، لەوانە نیویۆرک (جەی ئێف کەی، لا گواردیا)، واشنتن (دالس، ڕیگان)، شیکاگۆ (ئۆهێر)، ئەتڵانتا، لۆس ئەنجلس و دالاس کەم دەکرێنەوە.

زانیاریی زیاتر: ئەم داخستنەی حکومەت پێینایە ڕۆژی 36یەمین، بەمەش درێژی داخستنی حکومەتی سەردەمی ترەمپی ساڵی 2018ـی تێپەڕاندووە، وای کردووە ببێتە درێژترین داخستن لە مێژووی نوێی ئەمریکادا.