کابینەی نۆیەم زیاتر لە 214 هەزار هەلی کاری ڕەخساندووە

ئاڤا نیوز

لە کابینەی نۆیەمی حکومەتی هەرێمی کوردستان، زیاتر لە 214 هەزار هەلی کاری جۆراوجۆر لە کەرتی گشتی و کەرتی تایبەت ڕەخسێنراون.

وێنە گەورەکە: کاروانی ئاوەدانیی لە ماوەی کابینەی نۆیەمدا بەردەوام بوو بۆ نەهێشتنی بێکاریی، ئەوەش لەڕێگەی هاندانی کەرتی تایبەت بۆ بەشداریکردنیان لە بەهێزکردن و بووژانەوەی ژێرخانی ئابووری هەرێمی کوردستان کە ڕاستەوخۆ و ناڕاستەوخۆ دەیان هەزار هەلی کاری ڕەخساندووە و خێزان و ماڵەکانی ئاوەدانتر کردووەتەوە.


ژمارەکان وادەڵێن: زیاتر لە 214 هەزار هەلی کار ڕەخسێنراون بەمجۆرە:

٠ 140 هەزار هەلی کار لە ڕێگەی وەبەرهێنانەوە ڕەخسێنراون.
٠ 500 فەرمانبەر بە گرێبەست بۆ پارێزگای هەڵەبجە دامەزرێنراون.
٠ چوار هەزار و 925 سێ یەکەمی زانکۆ و پەیمانگاکانی ساڵی خوێندنی 2016-2017 تا 2021-2022 بڕیاری دامەزراندنیان بۆ دەرچووە.
٠ 38 هەزار مامۆستای وانەبێژی کەرتی پەروەردە گرێبەستیان بۆ کراوە.
٠ زیاتر لە 18 هەزار هەلی کار لە ڕێگەی کارگە پیشەسازییەکان ڕەخسێنراون.
٠ 779 دەرچووانی شەش کۆلێژی پزیشکی دامەزرێنراون.
٠ هەشت هەزار و 136 گەنج سوودمەندبوونە لە سندووقی پشتیوانی پڕۆژە بچووکەکانی لاوان تا بڕی 15 ملیۆن دینار قەرزی بێ سوویان پێدراوە.
٠ سێ هەزار و 800 وانەبێژی کەرتی خوێندنی باڵا گرێبەستیان بۆ کراوە.

بەتەنیشت ئەم بابەتەوە: 9 هەزار و 718 کەس لە ڕاهێنانی پیشەیی و هەزار و 407 کەس لە چاکسازییەکان، سوودمەندی وۆرکشۆپ و ڕاهێنانەکان بوونە.

گۆشەیەکی دیکەی دیمەنەکە: لە قۆناغی یەکەمی پڕۆژەی گەشانەوە دوو ملیار و 76 ملیۆن دینار، وەکو قەرزی درێژخایەن بەسەر 25 پڕۆژەی مامناوەند و بچووک دابەش کراوە.

ئەوەی پێویستە بیزانیت: لە کابینەی نۆیەم بڕیاردرا، سەرجەم کۆمپانیا گشتی و تایبەتەکان، دەبێت 75%ـی کرێکارەکانیان ناوخۆیی بن، تەنیا 25%ـی بیانی بن، ئەمەش ڕەخساندنی هەلی کاری بۆ دەستی کاری ناوخۆیی زیاتر کردووە.