شاخەوان عەبدوڵڵا: لە خولی پێنجی پەرلەمان نەمانهێشت هیچ یاسایەكی دژ بە كورد دەربچێت

ئاڤا نیوز

شاخەوان عەبدوڵڵا، جێگری سەرۆكی پەرلەمانی عێراق و سەرۆكی بازنەی كەركووكی لیستی 275ی پارتی جەخت دەكاتەوە كە لە خولی پێنجەمی پەرلەمان تا ڕادەیەكی باش سەركەوتوو بوونە لەوەی كە ڕێگەیان نەداوە هیچ یاسایەكی دژ بە كورد دەربچێت.

لێدوانی فەرمی: شاخەوان عەبدوڵڵا، سەرۆكی بازنەی كەركووكی لیستی 275ی پارتی دیموكراتی كوردستان بە ئاڤای ڕاگەیاند:  وێڕای ئەو دۆخە سەختەی كە ئەم خولەی پەرلەمانی پێیدا تێپەڕی و هێزێكی گەورە كشایەوە كە ڕەوتی سەدر بوو، توانیمان دوو ئەرك ببینین، ئەركێكیان ڕووبەڕووبوونەوەی هێزەكانی چوارچێوەی هەماهەنگی بوو كە بەشێكی زۆری میلیشیاكان سەر بەو هێزە سیاسییانەن، ڕووبەڕووی هەر پڕۆژەیەكی شۆڤێنیش بووینەوە كە دەیانویست لە پەرلەمان دەریبچوێنن، ڕێگریمان لێكردن.

زانیاریی زیاتر:  شاخەوان عەبدوڵڵا ئاماژەی بە ئەوەش دا كە لە خولی پێنجەمی پەرلەمان بە هەوڵی هەمووان توانیویانە چەند پڕۆژە یاسایەكی گرنگ دەربچوێنن كە لە بەرژەوەندیی كورد بوون و لە ساڵانی ڕابردوو لە ڕێگری لە دەچوونیان دەكرا.

لەلایەكی دیكەوە: شاخەوان عەبدوڵڵا جەختی كردەوە كە لە خولی پێنجەمی پەرلەمانی عێراق وێڕای سەختیی دۆخەكە نەیانهێشتووە كە هیچ یاسایەكی دژ بە كورد دەربچێت، بەڵام لە خولەكانی پێشووتر چەندین بڕیار و یاسای دژ بە كورد دەركران.س