لە ڕووداوێکدا، شەش کۆچبەر لە بولگاریا گیانیان لەدەست دا

ئاڤا نیوز

بە هۆی ڕووداوێکی هاتوچۆوە، لە بولگاریا شەش کۆچبەر گیانیان لەدەست دا.

چیرۆکی سەرەکی: لە نزیک شاری بورگاس لە ڕۆژهەڵاتی بولگاریا، پۆلیس دەکەوێتە شوێنی ئۆتۆمبێلێک کە ژمارەیەکی کۆچبەری نایاسایی پێ بووە، دواتر ئۆتۆمبێلەکە دەکەوێتە دەریاچەیەکەوە و شەش لە کۆچبەرەکان گیان لەدەست دەدەن. 

لێدوانی فەرمی: پۆلیسی بولگاریا ڕایگەیاند: پۆلیس سەرەتا هەوڵی دا ئۆتۆمبێلەکە بوەستێنێت، بەڵام شۆفێرەکە گوێڕایەڵ نەبوو. ئەفسەرەکان دوو جار هەوڵیان دا ئۆتۆمبێلەکە بوەستێنن. لە هەوڵی سێیەمدا، ئۆتۆمبێلەکە لە ڕێگاکە خلیسکا و کەوتە ناو دەریاچەکەوە. 

زانیاریی زیاتر: شۆفێرەکە هاوڵاتییەکی ڕۆمانییە و دەستگیرکراوە. پۆلیس ڕەگەزنامەی کوژراو و بریندارەکانی ئاشکرا نەکردووە.