ماڵپەڕی هێزێکی سەر بە یەکێتی هاک دەکرێت

ئاڤا نیوز

گرووپێکی هاککەر ماڵپەڕی کۆماندی کوردستان (کۆماندی یەکێتی) هاک دەکەن و لەسەری دەنووسن: چۆن لە ڕووتان دێت باسی ئازادی بکەن کە هێشتا دووکەڵی لالەزار ئاسمانی سلێمانیی داگیر کردووە.

چیرۆکی سەرەکی: ئەمڕۆ هەینی ، ماڵپەری کۆماندی یەکێتی لەلایەن گرووپێکی هاککەرەوە بە ناوی "سایبەر دراگۆنز" هاککرا. ماڵپەڕەکە بە تەواوی کەوتە دەست گرووپەکە و لەسەر ڕووداوەکانی لالەزار هێرشی تووند دەکەنە سەر یەکێتی.

بڵاوکراوەی فەرمی: گرووپی سایبەر دراگۆنز لەسەر ڕووپەڕی ماڵپەڕەکەی کۆماندی یەکێتی نووسیویانە، "چۆن لە ڕووتان دێت پێبکەنن لە کاتێکا هێشتا دایک و باوکی شەهیدانی لالەزار فرمێسکی چاویان وشک نەبووەتەوە، چۆن لە ڕووتان دێت باسی ئازادی بکەن لە کاتێکا هێشتا دووکەڵی لالەزار ئاسمانی سلێمانی داگیر کردووە".

باکگراوند: لە کاتی هێرشەکەی سەر لالەزار و دەستگیرکردنی لاهوور شێخ جەنگی لە 22ـی ئابی ئەمساڵ، هێزەکانی کۆماندۆ هەزاران سەرباز و چەکی جۆراوجۆریان بەکارهێنا، بەپێی ئەو ڤیدیۆیانە لەلایەن ئەندامانی ئەو هێزەشەوە بڵاو دەکرایەوە، هێرشیان کردووەتە سەر بارمتەکان، بە خودی لاهوور شێخ جەنگیشەوە.