وادەی بانگەشە بۆ هەڵبژاردنی پەرلەمانی عێراق کۆتایی هات

ئاڤا نیوز

 

دوای 37 ڕۆژ لە بانگەشەی کاندید و لایەنە سیاسییەکان بۆ هەڵبژاردنی خولی شەشەمی پەرلەمانی عێراق، ئەمڕۆ کاتژمێر حەوت وادەی بانگەشەکردن کۆتایی هات.

 

وێنە گەورەكە: بڕیاروایە ڕۆژی یەکشەممە 9-11-2025، دەنگدانی تایبەت بۆ هەڵبژاردنی پەرلەمانی عێراق ئەنجام بدرێت، ڕۆژی سێشەممەش 11-11-2025 پرۆسەی دەنگدانی گشتی لە سەرتاسەری عێراق بەڕێوەبچێت.

 

زانیاری زیاتر: بەپێی ئەو وادەیەی کە کۆمیسیۆنی باڵای سەربەخۆی هەڵبژاردنەکانی عێراق دەستنیشانی کردبوو، لە ڕۆژی هەینی 3ــ10ــ2025 بانگەشەی هەڵبژاردن بۆ خولی شەشەمی پەرلەمانی عێراق دەستیپێکرد، کاتژمێر 7ی سەرلەبەیانیی ئەمڕۆ شەممە 8ــ11ــ2025، هەڵمەتی بانگەشە کۆتایی هات.

 

ئەوەی پێویستە بیزانیت؛ دوای ئەو وادەیە هەر کاندید و لایەنێکی سیاسی بانگەشە بۆ هەڵبژاردن بکات لەلایەن کۆمیسیۆنی هەڵبژاردنەوە ڕێکاری یاسایی بەرامبەردا دەگیرێتەبەر.

 

ئەمەش بزانە؛ کۆمیسیۆنی باڵای سەربەخۆی هەڵبژاردنەکانی عێراق بە فەرمی هیچ ئامارێکی پێشێلکاری بانگەشەی بڵاونەکردووەتەوە. 

 

بەر لە کۆتاییهاتنی ئەم وادەیە، ڕۆژی هەینی 7ــ11ــ2025 هەریەک لە پارتی دیموکراتی کوردستان لە هەولێر و یەکێتیی نیشتمانیی کوردستان لە سلێمانی دوایین کەرنەڤاڵی جەماوەریی بانگەشەی هەڵبژاردنیان ئەنجام دا.