ترەمپ: دەرفەت هەیە پووتین ببینم

ئاڤا نیوز

سەرۆکی ئەمریکا دووبارە خواستی خۆی بۆ بینینی هاوتا ڕووسییەکەی دەردەبڕی و پێی وایە بەم نزیکانە شەڕی ئۆکراینا چارەسەر دەبێت.

لێدوانی فەرمی: دۆناڵد ترەمپ، سەرۆکی ئەمریکا، کاتێک پرسیاری ئەوەی لێکرا کە بۆچی لووتکەی پێشبینیکراوی لەگەڵ پووتین لە بوداپێست هەڵوەشاندەوە، وتی: ناکۆکی سەرەکی ئەوەیە کە هێشتا نایانەوێت بوەستن، پێموایە دەوەستن و پێموایە ئەمە تێچووی زۆری بۆ ڕووسیا دەبێت، هێشتان دەمەوێت ئەو ببینم حەز دەکەم لە بوداپێست ئەو کۆبوونەوەیە بکەم.

زانیاریی زیاتر: سەرەڕای بەردەوامبوونی شەڕی ڕووسیا و ئۆکراینا، ترەمپ جەختی لەوە کردەوە کە دەیەوێت کۆتایی بەو شەڕە بهێنێت دەشڵێت، "بەم زووانە" کۆتایی دێت.

باکگراوند: لووتکەی یەکەمی نێوان ترەمپ، پووتین، بە "لووتکەی ئالاسکا" ناسراوە، لە 15-8-2025 بەڕێوەچوو، کۆبوونەوەکە جیا لە پێشکەوتنێکی دیپلۆماسی هیچ دەستکەوتێکی دیکەی بۆ ڕاگرتنی شەڕەکە بەدەست نەهێنا.