قوباد تاڵەبانی هێرشی تووند دەکاتە سەر نەوشیروان مستەفا

ئاڤا نیوز

قوباد تاڵەبانی هێرشی تووند دەکاتە سەر ئۆپۆزیسیۆن بە گشتی و خودی نەوشیروان مستەفا بەتایبەتی و دەڵێت، "بەس پێم بڵێن ئۆپۆزسیۆن بە نەوشیروان مستەفاشەوە چییان بۆ کردن لە ڕابردوودا."

چیرۆکی سەرەکی:  لە چوارچێوەی بانگەشەی هەڵبژاردنەکانی یەکێتیدا، قوباد تاڵەبانی، هێرشی تووندی کردە سەر نەوشیروان مستەفا، سکرتێری کۆچکردووی بزووتنەوەی گۆڕان و لایەنەکانی ئۆپۆزسیۆن بە گشتی، بەوەی کە "هیچیان بۆ کوردستان نەکردووە".

لێدوانی فەرمی: لە وتارێکیدا بۆ لایەنگرانی یەکێتی، قوباد تاڵەبانی هێرشی تووندی کردە سەر نەوشیروان مستەفا و وتی، "بەس پێم بڵێن ئۆپۆزسیۆن بە نەوشیروان مستەفاشەوە چییان بۆ کردن لە ڕابردوودا؟" ئۆپۆزسیۆنی بەوە تۆمەتبار کرد کە تەنیا "بۆ ئەوە ئازان بێنە سەر تەلەڤیزیۆن و قسەی زل زل دەکەن و موزایەدە دەکەن و بەڵێنی بێبنەما دەدەن، ئەمانە چییان کردووە، هیچ."

زانیاریی زیاتر: بەگوتەی قوباد تاڵەبانی، پێشتر ئەم لایەنانەی ئۆپۆزسیۆن تاقیکراونەتەوە، بەڵام "ئەوانیش هیچ دەرنەچوون، تەنانەت گۆڕان لەجیاتی ئەوەی کوردستان جوان بکا، نەک جوانی نەکرد، تێکیدا."