پڕۆسەی دەنگدانی تایبەت بۆ هەڵبژاردنی پەرلەمانی عێراق دەستیپێکرد

ئاڤا نیوز

کاتژمێر حەوتی بەرەبەیانی ئەمڕۆ یەکشەممە، پڕۆسەی دەنگدانی تایبەت بۆ هەڵبژاردنی خولی شەشەمی پەرلەمانی عێراق بە بەشداریی یەک ملیۆن و 313 هەزار و 980 دەنگدەری تایبەت دەستیپێکرد.

چیرۆکی سەرەکی: دوای 37 ڕۆژ لە بانگەشەی هەڵبژاردن، وەکو قۆناغی یەکەم پڕۆسەی دەنگدانی تایبەت بە بەشداری یەک ملیۆن و 313 هەزار و 980 دەنگدەری تایبەت لە 836 بنکە دەنگ دەدەن دەستیپێکرد.

ژمارەکان وادەڵێن : ئەو دەنگدەرانەی لە هێزی ئەمنیین، ئەمڕۆ لە سەرانسەری عێراق پڕۆسەکە تایبەت کراوە بەوان و ژمارەکانیان بەمشێوەیە دابەش بووە؛-

دەستەی دەروازە سنوورییەکان: هەزار 596 کەس
وەزارەتی ناوخۆی عێراق: 597 هەزار و 453 کەس
وەزارەتی ناوخۆی هەرێمی کوردستان: 124 هەزار و 312 کەس
دەزگای دژەتیرۆری عێراقی: 18 هەزار و 410 کەس
وەزارەتی پێشمەرگە: 145 هەزار و 907 کەس
وەزارەتی بەرگری عێراق: 298 هەزار و 54 کەس
حەشدی شەعبی: 128 هەزار و 127 کەس

ئەوەی پێویستە بیزانیت: 276 هەزار و 613 دەنگدەری پێشمەرگە و هێزە ئەمنییەکان لە چوار پارێزگاکەی هەرێمی کوردستان بەشداری پرۆسەی دەنگدانی تایبەت دەکەن، لە 204 بنکەی دەنگدان، بەمشێوەیە بەسەر پارێزگاکان دابەش بوون:-

٠ هەولێر: 111 هەزار و 839 دەنگدەر لە 79 بنکەی دەنگ دەدەن

٠ سلێمانی و هەڵەبجە: 108هەزار و 344 دەنگدەر لە 82 بنکە دەنگ دەدەن

٠ دهۆک: 56 هەزار و 430 دەنگدەر لە 43  بنکە دەنگ دەدەن

٠ لە پارێزگای نەینەوا: 110 هەزار و 42 دەنگدەر لە 57 بنکە دەنگ دەدەن. 

٠ لە پارێزگای کەرکووک: 56 هەزار و 237 دەنگدەری تایبەت لە 29 بنکە دەنگ دەدەن.


بە تەنیشت ئەم بابەتەوە: بەشێک لە ئاوارەکانی عێراقیش لە هەرێمی کوردستان مافی دەنگدانیان هەیە و بەمشێوەیە دابەش کراون بەسەر پارێزگاکاندا؛-

٠ دهۆک: 25 هەزار و 986 دەنگدەر لە 23 بنکە دەنگ دەدەن

٠ هەولێر: 547 دەنگدەر لە سێ بنکە

٠ سلێمانی: پێنج دەنگدەر لە یەک بنکە

بەشێوەیەکی گشتیی تێکڕایان 26 هەزار و 538 ئاوارەن و ئەمڕۆ دەتوانن دەنگ بدەن.