لە فیلیپین 100 هەزار کەس بە هۆی زریانەوە ئاوارە دەبن

ئاڤا نیوز

بە هۆی هەڵکردنی زریانەوە و زیاتر لە 100 هەزار کەس لە دانیشتووانی سەرانسەری ناوچەکانی ڕۆژهەڵات و باکووری فیلیپین ئاوارە بوون و بۆ شوێنی دیکە گوێزراونەتەوە.

چیرۆکی سەرەکی: بە گوێرەی پێشبینییەکانی کەشوهەوا، مەترسیی بارانبارینی بەخوڕ و هەڵکردنی ڕەشەبای وێرانکەر هەیە و مەترسییەکانی زریانی فۆنگ وۆنگ زیاتر بوون و چاوەڕێ دەکرێت زیانی گەورە بە دوای خۆیدا بهێنێت.

زانیاریی زیاتر: سیگناڵەکانی ئاگادارکردنەوەی زریانەکان لە سەرانسەری ناوچە کەناراوییە گەورەکانی فلیپین بەرزکراونەتەوە.

ئەمەش بزانە: خێرایی با 185 کیلۆمەترە لە کاتژمێرێکدا و پێشبینی دەکرێت بگاتە 230 کیلۆمەتر، هاوکات چاوەڕێ دەکرێت شەوی یەکشەممە، 9-11-2025، زریانەکە بگاتە کەناراوەکانی پارێزگای ئاورۆرا.