دوای جەژن مووچەیەکی دیکە دابەش دەکرێت

ئاڤا نیوز

دوای تەواوبوونی پشووی جەژنی ڕەمەزان دەست بە ئامادەکاری دەکرێت بۆ دابەشکردنی مووچەی مانگی چوار .

وێنە گەورەکە: دوای ڕێککەوتنی سەرۆکوەزیران بارزانی و سوودانی، بڕیارە لەمەودوا مووچە لە سەرجەم کێشەکان جیابکرێتەوە و مانگانە لە کاتی خۆیدا بنێردرێت.

زانیاریی تایبەت: ئاڤا نیوز لە سەرچاوەیەکی ئەنجوومەنی وەزیران زانیویەتی، ڕێکارەکانی ناردنی مووچەی مانگی چوار دوای پشووی جەژن دەستپێدەکەن، لەگەڵ گەیشتنی گوژمەی یەکەمی پارەکەش ڕاستەوخۆ لیست ڕادەگەیێنرێت و دەست بە دابەشکردنی دەکرێت.


باکگراوند: ئەمڕۆ یەکشەممە وەزارەتی دارایی عێراق تەواوی مووچەی مانگی سێی خستە سەر هەژماری بانکیی هەرێمی کوردستان، وەزارەتی دارایی کوردستانیش دڵنیایی دا پێش جەژن سەرجەم مووچەخۆران مووچە وەردەگرن.