یۆنامی داوا لە عێراقییەکان دەکات بەشداریی لە پڕۆسەی هەڵبژاردن بکەن

ئاڤا نیوز

نوێنەری نەتەوەیەکگرتووەکان بۆ هاوکاری عێراق داوا لە هاووڵاتییانی عێراق دەکات، بەشێوەیەکی بەرفراوان بەشداریی لە پڕۆسەی هەڵبژاردن بکەن. 

چیرۆکی سەرەکی: ڕۆژی یەکشەممە دەنگدانی تایبەت بۆ خولی شەشەمی پەرلەمانی عێراق دەستیپێکرد و بڕیارە ڕۆژی سێشەممەش دەنگدانی گشتیی بەڕێوەبچێت، بۆ ئەو مەبەستەش زیاتر لە 800 چاودێری نێودەوڵەتیی بەشدارن لە چاودێریکردنی دەنگدانەکە. 

ڕاگەیێنراوی فەرمی: محەممەد حەسەن، نوێنەری تایبەتی سکرتێری گشتیی نەتەوەیەکگرتووەکان بۆ عێراق و سەرۆکی نێردەی یونامی ڕایگەیاند، هانی خەڵک عێراق  دەدەین کە بە شێوەیەکی بەرفراوان و بەرپرسیارانە بەشداری هەڵبژاردنی پەرلەماندا بکەن.


-لە درێژەی قسەکانیدا جەختی لەوەکردەوە، عێراق هەنگاو دەنێت بەرەو سەقامگیری و گەشەکردنی زیاتر، هاوکات عێراق شایستەی ئەوەیە کە سەرکردەی بە توانا بەڕێوەیبەرن کە بتوانن خواستەکانی گەل دەستەبەر بکەن.