برایەکی جێگری پارێزگاری ئەنبار بەتۆمەتی کڕینی کارتی دەنگدان دەستگیر کرا

ئاڤا نیوز

 

ئەمڕۆ یەكشەممە لە پارێزگاری ئەنباری ڕۆژئاوای عێراق، سەرکردەیەکی حیزبی تەقەدووم لەکاتی کڕینی کارتی دەنگدان دەستگیر کرا، سەرچاوەیەکی هێزە ئەمنییەکانیش دەڵێت، ڕێگە نادەن کاریگەریی و فشار لەسەر دەنگدەران دروست بکرێت.

 

چیرۆکی سەرەکی؛ ئەمڕۆ یەکشەممە، لە کاتژمێر 7ـی بەیانییەوە پرۆسەی دەنگدانی تایبەت دەستیپێکردووە و یەک ملیۆن و 313 هەزار و 859 کەس لە عێراق و هەرێمی کوردستان مافی دەنگدانیان هەیە.

 

زانیاریی تایبەت؛ سەرچاوەیەکی ئەمنی بە ئاڤا میدیای ڕاگەیاند، هێزێکی سەر بە دەزگای ئاسایشی نیشتمانیی عێراق، قاسم عەسەل، سەرکردە لە حیزبی تەقەدووم و برای جاسم عەسەل، جێگری پارێزگاری ئەنباری لەکاتی کڕینی کارتی دەنگدان و بانگەشە بۆ حیزبی تەقەدووم لەگەڵ کەسێکی دیکە، لە قەزای عامریەی سەر بە پارێزگای ئەنبار دەستگیر کرا.

 

ئاماژەی بەوەشکرد، هێزێکی ئەمنی زۆر لە  نزیک بنکەکانی دەنگدان بڵاوکراونەتەوە، ئەویش بە ئامانجی ڕێگری لە دانانی کاریگەری لەسەر دەنگدەران.