بۆ بەشداری لە دەنگدان هەر کارمەند و کرێکارێکی کەرتی تایبەت دوو کاتژمێر مۆڵەتی پێدەدرێت

ئاڤا نیوز

سەرۆکی لیژنەی ئەمنی پارێزگای هەولێر ڕایدەگەیێنێت، ڕۆژی سێشەممە لە دەنگدانی گشتی پێویستە هەموو کۆمپانیا و خاوەنکارێک ماوەی دوو کاتژمێر مۆڵەت بداتە کارمەند و کرێکارەکان بۆ بەشداری لە پرۆسەی هەڵبژاردن.

وێنە گەورەکە: بۆ پرۆسەی دەنگدان، فەرمانبەرانی حکومی، لەلایەن حکومەتی هەرێمی کوردستانەوە مۆڵەتییان پێدراوە، بەڵام بۆ کۆمپانیا و ڕێستۆرانت و کافێ و هەر کارێکی دیکە، لەلایەن لیژنەی ئەمنییەوە مۆڵەتەکە دیاری دەکرێت.

ڕاگەیێنراوی فەرمی: ئومێد خۆشناو، سەرۆکی لیژنەی ئەمنی پارێزگای هەولێر ڕایگەیاند، خاوەنکار و کۆمپانیاکانی سنووری هەولێر ئاگادار دەکرێنەوە سبەی سێشەممە لە کاتی بەڕێوەچوونی پرۆسەی دەنگدان، پێویستە دوو کاتژمێر مۆڵەت بدەنە کرێکار و کارمەندانیان بۆ ئەوەی بەشداری لە دەنگدان بکەن.

لیژنەی ئەمنی پارێزگای هەولێر ئەوەشی ڕاگەیاندووە، داوا لە کارمەند و کرێکاران دەکات هەر خاوەنکار و کۆمپانیایەک مۆڵەتی پێ نەدان، دەتوانن لە ڕێگەی ژمارە تەلەفۆنی عەقید فەرهاد (07504469129) سکاڵا بکەن.