دابەشکردنی نەوتی سپی لە سنووری قەزای بازیان دەست پێ دەکات

ئاڤا نیوز

وەزارەتی سامانە سرووشتییەکان بڕی نەوتی پێویستی بۆ پارێزگا و ئیدارە سەربەخۆکان دابینکردووە، ئەمڕۆ لە سنووری قەزای بازیان دەست بە دابەشکردنی دەکرێت.

وێنە گەورەکە: بۆ سێیەم ساڵ لەسەر یەک حکومەتی هەرێمی کوردستان پێش هاتنی وەرزی سەرما، نەوتی سپی بەنرخی پاڵپشتیکراو لە ناوچە شاخاوییەکان دابەش دەکات، هەر خێزانێک 200 لیتری پێدەدرێت.

لێدوانی فەرمی: سەلام عومەر، وتەبێژی بەڕێوەبەرایەتی نەوت و کانزاکانی سلێمانی؛ بە ئاڤای گوت، "ئەمڕۆ و سبەی پرۆسەی دابەشکردنی نەوتی سپی لە سنووری قەزای بازیان دەست پێ دەکات، ئەو خێزانانەی فۆڕمی خۆراک و کۆبۆنی نەوتیان هەیە سوودمەند دەبن."

ئەمەش بزانە: وەزارەتی سامانە سرووشتییەکان بڕی 17 ملیۆن و 134 هەزار لیتر نەوتی سپی بۆ دەورووبەری سلێمانی دابینکردووە، لەو بڕە بەشی سنووری قەزای بازیان دابین دەکرێت.