سوودانی: بەشداری چاودێرانی هەرێمی و نێودەوڵەتی لە پرۆسەی هەڵبژاردن خواستی ئێمەیە

ئاڤا نیوز

سەرۆکوەزیرانی عێراق دوای ئەوەی لەیەکێک لەبنکەکانی دەنگدان لەشاری بەغدا دەنگی دا، لە کۆنگرەیەکی ڕۆژنامەوانی ڕایگەیاند، حکومەتەکەی بەپەڕۆش بووە چاودێرانی تایبەتمەندی هەرێمایەتی و نێودەوڵەتیی بەشداربن لە چاودێریکردنی پرۆسەی هەڵبژاردنی پەرلەمان.

وێنە گەورەکە: ئەمڕۆ سێشەممە، هەڵبژاردنی خولی شەشەمی پەرلەمانی عێراق بەڕێوەدەچێت و زیاتر لە 20 ملیۆن کەس مافی دەنگدانیان هەیە لە تەواوی پارێزگاکانی وڵاتدا.

لێدوانی فەرمی: محەممەد شیاع سوودانی، سەرۆکوەزیرانی عێراق ڕایگەیاند: پێداگریمان لەسەر ئامادەبوونی چاودێرانی نێودەوڵەتی و دامەزراوە گرنگەکانی نێودەوڵەتی و ناوچەکە بە مەبەستی ئەوەی وێنەیەکی ڕوونی پراکتیزە کردنی گەلی عێراق و دامەزراوە فەرمییەکانی نیشانی جیهان بدەین.

سوودانی ئاماژەی بەوەشکرد، پیرۆزبایی ئەم زەماوەندە دیموکراسییە لە گەلی عێراق دەکەم، ئەم هەڵبژاردنە لە وادەی دەستووری خۆیدا بەڕێوەدەچێت، بەتایبەتی ئەم هەڵبژاردنە لە کاتی دەستووری خۆیاندا ئەنجامدرا، هاوکات ئەم هەڵبژاردنە جەخت لەسەر بنەمای گواستنەوەی ئاشتیانەی دەسەڵات دەکاتەوە و خۆشبەختانەش لە کەشێکی ئارام و سەقامگیردا بەڕێوەدەچێت.