نوێنەری نەتەوەیەکگرتووەکان لە عێراق: ئەم دەنگدانە لەلایەن خودی عێراقییەکانەوە بەڕێوەدەبرێت

ئاڤا نیوز

لەبارەی بەڕێوەچوونی هەڵبژاردنەکانی خولی شەشەمی پەرلەمانی عێراق،  نوێنەری ئەمینداری گشتیی نەتەوەیەکگرتووەکان لە عێراق ئاشکرای دەکات، ئەم پرۆسەیە لەلایەن عێراقییەکان بەڕێوەدەبرێت.

وێنە گەورەکە: بەرەبەیانی ئەمڕۆ سێشەممە بە بەشداریی زیاتر لە 20 ملیۆن دەنگدەر لە سەرانسەری عێراق، پرۆسەی دەنگدان بۆ خولی شەشەمی پەرلەمانی عێراق دەستیپێکرد و پرۆسەکە بەبێ گرفت بەردەوامە.

لێدوانی فەرمی: محەممەد حەسەن، نوێنەری نەتەوەیەکگرتووەکان لە عێراق ڕایگەیاند، ڕەزامەندی نێودەوڵەتی لە پڕۆسەی هەڵبژاردنەکانی عێراق پەرەی سەندووە، هاووڵاتییان بە ئازادی نوێنەرەکانیان هەڵدەبژێرن، جەختیش لەوە دەکاتەوە کە گەندەڵی لە هیچ جێگەیەکی پرۆسەکەدا نییە.

زانیاریی زیاتر: نوێنەری نەتەوە یەکگرتووەکان ئاماژە بە هەڵبژاردنەکانی پێشووی عێراق دەکات و دەڵێت، پێشتر نوێنەرایەتی نەتەوەیەکگرتووەکان چاودێری نزیکەی 13  پرۆسەی هەڵبژاردنی لە عێراقدا کردووە، بەڵام دەنگدانی ئێستا بە تەواوی لەلایەن عێراقییەکانەوە بەڕێوەدەبرێت، کە ئەمەش بەڵگەی ئەو پێشکەوتنە دامەزراوەییە بەرچاوەیە کە عێراق بەدەستی هێناوە.