فوئاد حوسێن: هەفتەی داهاتوو پارەی مووچە دەنێردرێت

ئاڤا نیوز

وەزیری دەرەوەی عێراق لە دهۆکەوە باسی لەوەکرد، سوودانی و تەیف سامی بەڵێنیان داوە گەڕانەوە بەغدا بڕیاری ناردنی مووچەی مانگی نۆ بدەن. 

چیرۆکی سەرەکی: مووچەخۆرانی هەرێمی کوردستان لە چاوەڕوانی ناردنی مووچەکانیاندان، چاوەڕوان دەکرێت بەغدا هەفتەی داهاتوو بڕیاری خەرجکردنی مووچەی مانگی نۆ بدات و هەرێمی کوردستان پابەندییەکانی خۆی جێبەجێکردووە، ئەمڕۆش میزان موراجەعەی مانگی نۆی بۆ بەغدا نارد. 

لێدوانی فەرمی: فوئاد حوسێن، جێگری سەرۆکوەزیرانی عێراق و وەزیری دەرەوە لە کۆنگرەیەکی ڕۆژنامەوانیدا ڕایگەیاند: ئەو کاتەی لە بەغدا بووم کۆبوونەوەیەکمان ئەنجامدا، هەفتەی داهاتوو مووچەی مانگی نۆ دێت.

وەزیری دەرەوەی عێراق باسی لەوەشکرد، سوودانی و تەیف سامی بەڵێنیان دا کە گەڕانەوە بڕیاری ناردنی مووچەی مانگی نۆی مووچەخۆرانی هەرێمی کوردستان بدەن.