لەسەر داوای وەزیری کارەبا 13 موڵکی دیکەی شاسوار عەبدولواحید لە سلێمانی دەفرۆشرێت

ئاڤا نیوز

 

بەڕێوەبەرایەتیی (جێبەجێکردنی دووەمی سلێمانی) لەسەر داوای وەزیری کارەبای هەرێمی کوردستان 13 موڵکی شاسوار عەبدولواحید دەخاتە زیادکردنی ئاشکراوە.

 

زانیاریی بەدەستهاتوو: 13 موڵکەکە لە کەرتی 1ـی مەڵکەندی و دەباشانن و بە ناوی کۆمپانیای چاڤی بۆ وەبەرهێنانی گەشتیاری - هاوپشکی تایبەت تۆمارکراون، کۆی گشتی خەمڵاندنی موڵکەکان 81 ملیار و چوارسەد و سی و شەش ملیۆن و دوو سەد و هەشتا و حەوت هەزار و پێنج سەد دینارە.

 

زانیاری زیاتر: شاسوار عەبدولواحید بڕی سێ ملیار و 580 ملیۆن و 710 هەزار دینار  قەرزاری وەزارەتی کارەبایە.

 

ئەوەی پێویستە بیزانیت: لە ماوەی 30 ڕۆژدا زیادکردنی ئاشکرا بۆ فرۆشتنی موڵکەکان دەکرێت، هەر کەسێک ئارەزووی بەشداریکردنی لە زیادکردنەکەدا هەبێت، دەتوانێت لە بەشی ژمێریاریی بەڕێوەبەرایەتیی کارەبای سلێمانی بڕی 10٪ی بارمتەی یاسایی نرخی خەمڵێنراوی موڵکەکان دابنێت، هەروەها ناسنامەی نیشتمانی و پشتگیری شوێنی نیشتەجێبوون لەگەڵ خۆی ببات.