لە چەمچەماڵ چوار ڕاوچی دەستگیر كران

ئاڤا نیوز

بەڕێوەبەرایەتیی پۆلیسی دارستان و ژینگەی سلێمانی ڕایگەیاند، بە تۆمەتی ڕاوکردنی باڵندە و ئاژەڵی کێوی چوار کەس لە چەمچەماڵ دەستگیرکران.

ڕاگەیێنراوی فەرمی: ڕۆژی 20-11-2025، بەڕێوبەرایەتیی پۆلیسی دارستان و ژینگەی سلێمانی ڕایگەیاند: لە ڕێگای گوندی مەنیلە لەلایەن تیمێکی پۆلیسی دارستانی چەمچەماڵەوە چوار کەس کە کەرەستەی ڕاوکردنیان پێبووە دەستگیرکران.

زانیاریی زیاتر: ئەو کەرەستانەی دەستیان بەسەرداگیراوە بریتین لە، یەک باڵندەی کێوی کە ڕاوکرابوو، یەک ساچمەزەن، یەک تۆڕ، چوار لایت، یەک ئۆتۆمبێل.

بەپێی ماددەی 42ـی ژینگە پەڕاوی لێکۆڵینەوە بۆ ئەو چوار تۆمەتبارە کراوەتەوە و ڕادەستی دادوەری لێکۆڵینەوە کراوە، بۆ ئەوەی ڕێکاری یاسایی بەرامبەریان بگرێتەبەر.

بۆچی گرنگە: بۆ پاراستنی سرووشت و ژینگەی کوردستان، بەردەوام لەلایەن پۆلیسی دارستان و ژینگەوە ڕێگری لە ڕاوکردنی ئاژەڵ و باڵندەی کێوی دەکرێت، هەر کەسێکیش سەرپێچی بکات، دەستگیری دەکەن و سزای دەدەن.