بەشێکی دیکەی پارەی گەنمی جووتیاران بۆ هەرێمی کوردستان دەنێردرێت

ئاڤا نیوز

ئەنجوومەنی وەزیرانی عێراق، لە کۆبوونەوەی ڕابردوو بڕیاری خەرجکردنی بڕی 500 ملیار دیناری دیکەی داوە، بۆ ئەوەی شایستەی دارایی جووتیاران خەرج بکرێت، بەشێکی بۆ جووتیارانی هەرێمی کوردستان دەنێردرێت.

وێنە گەورەکە: پارەی گەنمی ئەمساڵی جووتیاران زیاتر لە 310 ملیار دینارە، لەماوەی ڕابردوودا بەغدا بە دوو قۆناغ 72 ملیار دیناری وەک پشکی هەرێمی کوردستان ناردووە، 240 ملیار دینار ماوە و بەچەند قۆناغێکی دیکە خەرج دەکرێت.

لێدوانی فەرمی: نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی  بە ئاڤای گوت، "هەفتەی داهاتوو پشکی هەرێمی کوردستان یەکلایی دەکرێتەوە، ئێمەش نوێنەر دەنێرین و چەکەکان دەگەڕێنێتەوە."

ئەوەی پێویستە بیزانیت: ماوەی پێنج مانگە جووتیارانی هەرێمی کوردستان، لە ڕێگەی سایلۆکانەوە گەنمیان ڕادەست کردووە و تاوەکو ئێستا بەشێکی زۆریان شایستە داراییەکانیان خەرج نەکراوە.