ئاگرێکی گەورە لە باڵەخانەی COP30 کەوتەوە

ئاڤا نیوز

ئاگر لە شوێنی کۆبوونەوەکانی کۆنفڕانسی جیهانیی ئاووهەوای سەر بە نەتەوەیەکگرتووەکان کەوتەوە.

چیرۆکی سەرەکی: ئاگرێکی گەورە لەو شوێنە کەوتەوە کە نێردەی وڵاتانی بەشداربوو لە کۆنفڕانسی COP30 لە شاری بێلێم لە بەڕازیل کۆدەبوونەوە و بە هۆی ئاگرەکەوە شاندەکان شوێنەکەیان چۆڵ کرد. 

زانیاریی زیاتر: تیمەکانی ئاگرکوژێنەوە بە خێرایی خۆیان گەیاندە شوێنەکە و هەوڵی کۆنترۆڵکردن و کوژاندنەوەی ئاگرەکەیان دا و دواتر ڕاگەیێنرا کە ئاگرەکە کۆنترۆڵ کراوە. سەبارەت بە زیانەکانی ئاگرەکە هێشتا هیچ زانیارییەک بەردەست نەکراوە.

ئەمەش بزانە: لە کاتی کەوتنەوەی ئاگرەکە شاندی وڵاتان لە سەر ئاستی وەزیران لە گفتوگۆدا بوون سەبارەت بە چەند پرسێکی پەیوەست بە ئاووهەوا.