پلانی ترەمپ بۆ ئاگربەستی ئۆکراینا دەگاتە دەست زێلێنسکی

ئاڤا نیوز

ڕەشنووسی پلانی ئاشتی پێشنیازکراوی دۆناڵد ترەمپ، سەرۆکی ئەمریکا، بۆ کۆتاییهێنان بە شەڕ لەگەڵ ڕووسیا گەیشتووەتە دەست ئۆکراینا و کاری لەسەر دەکەن.

لێدوانی فەرمی: ڤۆلۆدیمیر زێلێنسکی، سەرۆکی ئۆکرانیا، ڕایگەیاند، ئامادەیە دڵسۆزانە هاوکاری لەگەڵ ئەمریکا بکات بۆ کۆتاییهێنان بە شەڕەکە. سەرۆکی ئۆکرانیا هەروەها ڕایگەیاندووە کە پلانی هەیە لەگەڵ دۆناڵد ترەمپ تاوتوێی ئەو پلانە بکات.

زانیاریی بەدەستهاتوو: بە گوێرەی میدیاکان بەشێک لە پلانەکە بریتییە لەوەی کیێڤ دەستبەرداری ناوچەکانی دۆنباس لە ڕۆژهەڵاتی ئۆکرانیا دەبێت و قەبارەی سوپاکەی کەم دەکاتەوە و بەڵێن دەدات هەرگیز پەیوەندی بە ناتۆوە نەکات.

زانیاریی زیاتر: بەپێی زانیارییەکان، پلانەکە لەلایەن ستیڤ ویتکۆف، نێردەی تایبەتی ئەمریکا و کیریل دیمیتریڤ هاوتا ڕووسییەکەیەوە بەبێ بەشداریکردنی ئۆکرانیا پەرەی پێدراوە.