کۆمیسیۆن کۆی ژمارەی تانەکانی هەڵبژاردن بڵاو دەکاتەوە

ئاڤا نیوز

کۆمیسیۆنی باڵای هەڵبژاردنەکانی عێراق کۆی تانەکانی هەڵبژاردنی پەرلەمان ئاشکرا دەکات کە زیاترە 870 تانە لە هەرێمی کوردستان و پارێزگاکانی دیکەی عێراق.

وێنە گەورەکە: دوای ئەوەی کۆمیسیۆن هەڵبژاردنەکان ئەنجامی کۆتایی هەڵبژاردنی خولی شەشەمی پەرلەمانی عێراقی ڕاگەیاند، ڕۆژانی سێشەممە، چوارشەممە و پێنجشەممەی هەفتەی ڕابردوو، دەرفەت بە کاندید و لایەنەکان درا ئەگەر گومانیان لە ئەنجامەکان هەبێت تانە تۆمار بکەن.

ڕاگەیێنراوی فەرمی: جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاڤای ڕایگەیاند: ژمارەی کۆتایی تانەکانی هەڵبژاردنی پەرلەمان 872 تانە بوون.

زانیاریی زیاتر: جومانە غەلای بۆ ئاڤا ئەوەشی ئاشكرا کرد، کۆمیسیۆن لە حەوت ڕۆژ کارکردنیدا پێداچوونەوە بۆ تانەکان دەکات و دواتر بۆ دەستەی دادوەریی کۆمیسیۆنی دەنێرێت، ئینجا دەستەکە لە ماوەی 10 ڕۆژی دەوامی فەرمیدا تانەکان یەکلایی دەکاتەوە.