ترەمپ بۆ مەمدانی: کاری باش بکە پێی دڵخۆش دەبم

ئاڤا نیوز

سەرۆکی ئەمریکا لە کۆشکی سپی و لە ئۆفیسی ئۆڤاڵ پێشوازی لە زۆهران مەمدانی، سەرۆکی هەڵبژێردراوی شارەوانی نیۆیۆرک کرد و ستایشی کرد بەوەی ئەگەر ئەو کاری باش بکات، پێی دڵخۆش دەبێت.

چیرۆکی سەرەکی: ڕۆژی 5-11-2025 لە هەڵبژاردنی سەرۆکایەتی شارەوانی نیۆیۆرک، زۆهران مەمدانی، کاندیدی دیموکراتەکان توانی سەرکەوتنی گەورە بەدەستبهێنێت. دوای دەرچوونی لەلایەن ترەمپەوە ڕووبەڕووی ڕەخنەیەکی زۆرهات. ئەمڕۆش بەیەکەوە کۆبوونەوە.

لێدوانی فەرمی: دۆناڵد ترەمپ، سەرۆکی ئەمریکا لە کۆشکی سپی پێشوازی لە مەمدانی کرد. لە کاتێکدا ترەمپ لە پشتی مێزەکەی دانیشتبوو و مەمدانیش لە تەنیشتی وەستابوو، قسەیان بۆ ڕۆژنامەنووسان کرد. ترەمپ پیرۆزبایی لە مەمدانی کرد و وتی، "تا مەمدانی کاری باش بکات، من دڵخۆشتر دەبم".

لە گفتوگۆکانی نێوانیان، ترەمپ ئەمانەشی وت:

٠ هەڕەشەی کوشتن لە دیموکراتەکان نەکراوە بەوەی تۆمەتباریان کردووین بە ڕەفتاری ئاژاوەگێڕانە.

٠ جەژنی سوپاسگوزاری دوایین وادەیە بۆ کێڤ تا ڕازی بێ بە پلانە 28 خاڵییەکە، ئەمەش لە پێناو کۆتایهێنان بە جەنگی نێوان ڕووسیا و ئۆکراینا.

لەلایەکی دیکەوە: زۆهران مەمدانی ڕایگەیاند، ئەو کۆبوونەوەیەکی بەرهەمداری لەگەڵ ترەمپ کردووە. باسمان لە کۆمەڵێک پرسی تایبەت بە باشترکردنی خزمەتگوزارییەکان کردووە.