بڕیارێکی دیکەی سەرۆکوەزیران بارزانی کەوتە بواری جێبەجێکردنەوە

ئاڤا نیوز  

بڕیارێکی دیکەی  سەرۆکوەزیران بارزانی، سەبارەت بە لێخۆشبوونەکان لە قەرزە کەڵەکەبووەکانی سەر هاونیشتیمانیان لەگەڵ کرێی ئاو و خاشاک و ڕسوماتی پیشەیی و هەڵواسینی تابلۆ و گەشتوگوزار، کەوتە بواری جێبەجێکردنەوە.

ڕاگەیێنراوی فەرمی: پاڵپشت بە بڕیاری ئەنجوومەنی وەزیرانی هەرێمی کوردستان، وەزارەتی شارەوانی و گەشتوگوزار نووسراوێک ئاراستەی دەستەی گەشتوگوزار، بەڕێوەبەرایەتییە گشتییەکانی ئاو و ئاوەڕۆ و شوێنەوار و کەلەپوور، سەرۆکایەتییەکانی شارەوانی و نەخشەدانانی ئاوەدانی لە سەرجەم پارێزگا و ئیدارە سەربەخۆکانی هەرێمی کوردستان کراوە، تێیدا داوا دەکات  لە ئەمڕۆوە دەست بە جێبەجێکردنی مامەڵەی بڕیاری لێخۆشبوون بە ڕێژەی 20% بکرێت بەم شێوەیە:-

یەکەم: بە ڕێژەی 20% لێخۆشبوون لە قەرزە کەڵەکەبووەکانی کرێی ئاو، خۆڵ و خاشاک، کرێی ساڵانەی کرێچییەکانی فەرمانگەکانی سەر بە وەزارەتی شارەوانی و گەشتوگوزار،  ڕسوماتەکانی گەشتوگوزار و پیشەیی و هەڵواسینی تابلۆ.

دووەم: بە ڕێژەی 20% ی کرێی ساڵانەی کرێچییەکانی فەرمانگەکانی سەر بە وەزارەتی شارەوانی و گەشتوگوزار، ڕسوماتەکانی گەشتوگوزار و پیشەیی و هەڵواسینی تابلۆ، تاوەکوو ئاساییبوونەوەی بارودۆخی ناهەمواری دارایی لە هەرێمی کوردستان.