ئاڤای خەڵک؛ ژمارەیەک گەڕەکی بازیان بێ خزمەتگوزاریین

ئاڤا نیوز

ژمارەیەک گەڕەک و کۆڵانی قەزای بازیان بێ خزمەتگوزاریین و دانیشتووانەکەی داوای چارەسەرکردنی دەکەن.

زانیاریی بەدەستهاتوو: محەممەد قادر یەکێکە لە دانیشتووانی قەزاکە، دەڵێت چەندین ساڵە داوای قیرتاوکردن و خزمەتگوزارییە سەرەتاییەکان دەکەین وەڵام نادرێینەوە.

پەیوەند قوتابییەکی پۆلی 11ـیە و قسەی بۆ ئاڤا کردووە دەڵێت، ڕێگای قوتابخانەکەمان زۆر خراپە، لەم ڕۆژانە بەو بارانەی کە باری بەردەم قوتابخانەکەمان وەک مەلەوانگەی لێهاتبوو، بەیانیان بە پاکی دەڕۆین بۆ قوتابخانە کە دەگەڕێینەوە تا ئەژنۆمان لە قوڕدایە.

لێدوانی فەرمی: نەوزاد جەلال، سەرۆکی شارەوانی بازیان بە ئاڤای راگەیاند: بەپێی ئەو بودجەیەی لەبەردەستمان بوو ساڵی ڕابردوو 36 کۆڵانمان قیرتاوکردووە، هەندێک کۆڵان و گەڕەک ماون بۆ ئەوانیش دەرخستەمان کردووە و ڕێکارەکانیشی بڕیوە، بەڵام لە بانک دەڵین پارەی نەختینەمان نییە، هەرکات پارەکە خەرجکرا خزمەتگوزارییەکان بەو گەڕەکانەش دەگەیێنین و شەقامەکانیان قیرتاو دەکەین.