ئاڤای خەڵک؛ دانیشتووانی گەڕەکی هەوارەبەرزەی قەڵادزێ داوای پردی پەڕینەوە دەکەن

ئاڤا نیوز

ژمارەیەک هاووڵاتی لە گەڕەکی هەوارە بەرزە لە قەڵادزێ داوای دروستکردنی پردێکی پەڕینەوەی پیادە دەکەن.

زانیاریی بەدەستهاتوو: خدر عەبدوڵڵا، هاونشتمانیەکی گەڕەکەکەیە، بە ئاڤای وت، ژمارەمان 200 ماڵە کەوتووینەتە سەر دووسایدی شەست مەتری، دەستخۆشی لە حکومەت دەکەین بۆ دروستکردنی شەقامەکە، بەڵام داواکارین پردێکیشمان بۆ دروست بکەن، چونکە مەترسی لەسەر ژیانی خۆمان و منداڵەکانمان هەیە بەتایبەت کاتی دەوامی قوتابخانە.

لێدوانی فەرمی: بەختیار ئەحمەد، سەرۆکی شارەوانی قەڵادزێ بە ئاڤای گوت، سەرقاڵی ئامادەکردنی دەرخستەی سێ بەرزە پردین لەسەر شەقامی 60 مەتری، هەرکات ڕەزامەندی ئەو سێ پردەمان وەرگرت یەکێکیان بۆ ئەو گەڕەکەیە و کێشەکەیان بۆ چارەسەر دەکەین.