ئەمریکا قۆناغێکی نوێی ئۆپەراسیۆنەکانی ڤەنزوێلا دەستپێدەکات

ئاڤا نیوز

دوای چەندینجار هەڕەشەکردن، ئەمریکا ئامادەکاری دەکات بۆ دەستپێکردنی ئۆپەراسیۆنی سەربازی نوێ دژ بە ڤەنزوێلا کە هاوکاتە لەگەڵ ناردنی هێزی زیاتری ئەمریکا بۆ کەنارەکانی کاریبی.

زانیاریی بەدەستهاتوو: ئاژانسی ڕۆیتەرز لە زاری چوار بەرپرسی ئەمریکاوە ئاشکرای کردووە، ''واشنتن ئامادەکاری بۆ دەستپێکردنی قۆناغێکی نوێی ئۆپەراسیۆنی سەربازی دژ بە ڤەنزوێلا لە چەند ڕۆژی داهاتوودا دەکات''.

 
کاریگەری و لێکەوتەکان: ئەمە لە کاتێکدایە، ئیدارەی ئەمریکا فشارەکانی بۆ سەر حکومەتی ڤەنزوێلا زیادکردووە کە ئامانج لێی بەرەنگاربوونەوەی بەبازرگانییکردن بە ماددە هۆشبەرەکانە، بەرپرسانی ئەمریکی دەڵێن، پێدەچێت ئەم ئۆپەراسیۆنانە بەشی یەکەمی هەنگاوێکی نوێ بن کە نیکۆلاس مادۆرۆ، سەرۆکی وڵاتەکە دەکاتە ئامانج.

زانیاریی زیاتر: پێشتر بەرپرسێکی باڵای ئیدارەی ئەمریکا ئاشکرای کرد، ترەمپ ئامادەیە هەموو توخمێکی دەسەڵاتی ئەمریکا بەکاربهێنێت بۆ وەستاندنی گواستنەوەی ماددە هۆشبەرەکان بۆ ناو وڵاتەکەمان و گەیاندنی بەرپرسیارانە بۆ دادگا.