وەزارەتی ئەوقاف: چوارشەممە یەکەم ڕۆژی جەژنە

ئاڤا نیوز

 

لە کاتژمێر 5:30ی ئێوارەی ئەمڕۆ دووشەممە، لیژنەی بینینی مانگ دەستیان بە ئامادەکاری کرد، بۆ دیاریکردنی یەکەم ڕۆژی جەژنی ڕەمەزان، بە پشت بەستن بە بەڵگەکان بەیانی یەکەم ڕۆژی جەژنی ڕەمەزان نیيە.

چیرۆکی سەرەکی: ئێوارەی ئەمڕۆ کە دەبێتە 29ی ڕەمەزان، لیژنەی باڵای بینینی مانگ بە هەماهەنگی لەگەڵ لێژنە لاوەکییەکان لە پارێزگا و ئیدارە سەربەخۆکانی هەرێمی كوردستان کۆبوونەوە، بە پشت بەستن بە بەڵگە شەرعییەکان و بەشداری یەکێتی زانایان و ئەنجوومەنی فەتوای هەرێمی کوردستان ڕۆژی چوارشەممە بە یەکەم ڕۆژی جەژنی ڕەمەزان دیاریکرا.

لێدوانی فەرمی: د. پشتیوان سادق، وەزیری ئەوقاف و کاروباری ئایینی، لە کۆنگرەیەکی ڕۆژنامەوانیدا ڕایگەیاند: "سبەی سێشەممە تەواوکەری مانگی ڕەمەزانە، دووسبەی چوارشەممە 10-4-2024، یەکەم ڕۆژی جەژنی ڕەمەزانە". 

ئەوەی پێویستە بیزانیت: وەزارەتی ئەوقاف پێشتر ڕایگەیاند " پشت بە هیچ وڵاتێک نابەستین بۆ دیاریکردنی یەکەم ڕۆژی جەژنی ڕەمەزان، بەڵکو پشتمان بە بەڵگە شەرعیەکانی خۆمان بەستووە بۆ دیاریكردنی جەژن".