نەرویج و هەرێمی كوردستان لە هاوكاریی ئەمنی هەماهەنگ دەبن

ئاڤا نیوز

شاندێكی باڵای وڵاتی نەرویج لەگەڵ بەرپرسی پەیوەندییەكانی دەرەوەی هەرێمی كوردستان كۆبووەوە؛ مەبەستیەتی لەگەڵ هەردوو حكومەتی هەرێمی كوردستان و حكومەتی فیدراڵ هەماهەنگ بن لەسەر ئەو پرسانەی جێی بایەخی هەردوولان بەتایبەت هاوكاریی ئەمنی.

چیرۆكی سەرەكی: ئەمڕۆ یەكشەممە، سەفین دزەیی، بەرپرسی فەرمانگەی پەیوەندییەكانی دەرەوەی حكومەتی هەرێمی كوردستان، پێشوازی لە شاندێكی باڵای نەرویج كرد كە پێكهاتبوون لە؛ ئەلیکساندەر لیرفۆر، هەڵسووڕێنەرى کاروبارى باڵیۆزخانەى نەرویج لە عەممان، ئیدا مارشتاین، ڕێکخەرى هاوپەیمانىی دژە داعش و ئان مارى، بەرپرسی دۆسیەى عێراق لە وەزارەتى دەرەوەى نەرویج.

لێدوانی فەرمی: سەفین دزەیی ڕایگەیاند، حكومەتی هەرێمی كوردستان هاوكارییەكانی وڵاتی نەرویج بەرز دەنرخێنێت كە لە چوارچێوەی هاوپەیمانیی دژ بە داعش، بەردەوام پشتیوانیی لۆجستی و سەربازییان پێشكەش بە هێزەكانی پێشمەرگە كردووە، دەخوازین ئەمجۆرە هەماهەنگیە بەردەوام بێت، چونكە هەڕەشەی تیرۆر لەسەر ناوچەكە بەردەوامە و كۆتایی نەهاتووە.

دزەیی باسی لەوەشكرد، مەبەستی سەردانەكەی شاندی نەرویجی بۆ زیادكردنی هاوكاری و هەماهەنگی ئەو وڵاتەیە لەگەڵ هەردوو حكومەتی فیدراڵ و هەرێمی كوردستان لەسەر ئەو پرسانەی كە جێی بایەخی هەردوولایە، بەتایبەت هاوكاری ئەمنی و ڕووبەڕووبوونەوەی تیرۆر.

گۆشەیەكی دیكەی دیمەنەکە: پرسە هەنووكەییەكانی عێراق و هەرێمی كوردستان، ئەگەرەكانی پێكهێنانی حكومەتی تازەی عێراق دوای تەواوبوونی هەڵبژاردن، دیدگای حكومەتی هەرێمی كوردستان و چەند پرسێكی دیكەی ناوخۆیی، تەوەری دیكەی كۆبوونەوەكە بوون.