لە کەرکووک لە هێرشێکی ئاسمانیدا پێنج ئامانجی داعش لەناوبران

ئاڤا نیوز

فەرماندەیی ئۆپەراسیۆنە هاوبەشەکان ڕایدەگەیێنێت، پێنج ئامانجی گرنگی گرووپە تیرۆریستییەکانی داعش لە کەرکووک لە هێرشێکی وردی ئاسمانیدا کرانە ئامانج.

وێنە گەورەکە: هەرچەندە هەشت ساڵ بەسەر کۆتاییهاتنی ڕێکخراوی داعش لە عێراق تێدەپەڕێت، بەڵام تا ئێستا شانە نوستووەکانی ڕێکخراوەکە ماون  و جار جارە هێزە ئەمنییەکان و هاووڵاتییانی مەدەنی بەئامانج دەگرن. لە بەرامبەریشدا هێزە عێراقییەکان ئەو پاشماوانەی داعش لە ناوچە جیا جیاکان دەکەنە ئامانج.

ڕاگەیێنراوی فەرمی: بەگوێرەی ڕاگەیێنراوی فەرماندەیی ئۆپەراسیۆنە هاوبەشەکان "ئۆپەراسیۆنەکە بەپێی زانیارییەکانی شانەی هەواڵگریی سقوور و بەڕێوەبەرایەتی هەواڵگریی سەربازی ئەنجامدرا، کە سێ مانگ بەدواداچوونیان بۆ گرووپێکی تیرۆریستی لە کەرکووک کردبوو."

شێوازی جێبەجێکردن: فەرماندەیی ئۆپەراسیۆنە هاوبەشەکان دەڵێت: هێرشەکە بە هاوکاری دەزگای دژەتیرۆر و هەماهەنگی لەگەڵ فەرەنسا جێبەجێ کراوە.