لە دێرەزوور هێزەکانی سەر بە حکومەتی سووریا هێرش دەکەنە سەر هەسەدە

ئاڤا نیوز

ناوەندی ڕاگەیاندنی هێزەکانی سووریای دیموکرات ڕایدەگەیێنێت، گرووپە چەکدارەکانی سەر بە حکومەتی دیمەشق، بەشێوەیەکی ڕاستەوخۆ هێرشیان کردووەتە سەر یەکێک لە خاڵەکانی هێزەکانیان لە شارۆچکەی غەرانیج لە گوندەواری ڕۆژهەڵاتی دێرەزوور.

وێنە گەورەکە: سەرەڕای ئاگربەست لە نێوان هێزەکانی سەر بە حکومەتی سووریا و هێزەکانی هەسەدە، بەڵام لە ئاستی مەیدانیدا بەشێوەی ڕۆژانە گرژیی و پێکدادان دروست دەبێت، هەردوولاش یەکتریی بە پێشێلکردنی ئاگربەست تۆمەتبار دەکەن.

ڕاگەیێنراوی فەرمی: درەنگانی شەوی ڕابردوو، ناوەندی ڕاگەیاندنی هێزەکانی سووریای دیموکرات 'هەسەدە' ڕاگەیێنراوێکی بڵاوکردەوە، تێیدا هاتووە،  گرووپە چەکدارەکانی سەر بە حکومەتی دیمەشق، بەشێوەیەکی ڕاستەوخۆ هێرشیان کردووەتە سەر یەکێک لە خاڵەکانی هێزەکانیان لە شارۆچکەی "غەرانیج" لە گوندەواری ڕۆژهەڵاتی دێرەزوور، سەرچاوەی هێرشەکەش لە کەناری ڕۆژئاوای ڕووباری فوراتەوە بووە.

زیانە سەرەکییەکان: بەگوێرەی ڕاگەیێنراوەکەی هەسەدە، بەهۆی ئەم هێرشەوە، یەکێک لە شەڕڤانەکانیان بە سەختی بریندار بووە و بۆ وەرگرتنی چارەسەری پێویست گواستراوەتەوە بۆ نەخۆشخانە.