ڕووسیا و ئۆکراینا لەبارەی پلانی ترەمپ لێدوانی جیاواز دەدەن

ئاڤا نیوز

ئۆکراینا دانوستانەکانی لەگەڵ ئەمریکا بە ئەرێنی ناودەبات بەڵام جەخت لەوە دەکاتەوە پرۆسەکە کاتی دەوێت، لەبەرامبەر ڕووسیا دەڵێت: هێشتان ئاگاداریی وردەکاریی و ئەنجامی دانوستانەکانی واشنتن و کێیڤ نین.

وێنە گەورەکە: بەرپرسانی باڵای ئەمریکا و ئۆکراینا و ڕاوێژکارانی ئاسایشی نەتەوەیی هەریەکە لە وڵاتانی فەرەنسا، بەریتانیا و ئەڵمانیا لە شاری جنێڤ سویسرا تاوتوێی ڕەشنووسی پلانی واشنتنیان کرد، بۆ کۆتاییهێنان بە شەڕی ئۆکراینا.

لێدوانە فەرمییەکان: ڤۆلۆدێمیر زیلێنسکی، سەرۆکی ئۆکراینا ڕایگەیاند، لە کۆبوونەوەی جێنێڤ پێشکەوتنی باش بەدەستهاتووە بەڵام هێشتان پێویستی بە کارکردنی زیاترە بۆ ئەوەی بتوانین بگەیەینە دەرئەنجامی بۆ کۆتاییهێنان بە جەنگەکە.

- دیمیتری پیسکۆڤ، وتەبێژی سەرۆکایەتیی ڕووسیا کرێملین دەڵێت: هیچ زانیارییمان لەبارەی دانوستانەکانی جێنێڤ وەرنەگرتووە بۆیە چاوەڕێی دەرئەنجامی کۆبوونەوەکانین، هاوکات دەشڵێت، لە ئێستادا هیچ پلانێک نییە بۆ ئەنجامدانی دانوستان لەگەڵ ئەمریکا، ئێمە پێشوازیمان لە پلانەکەی ئەمریکا کردووە.