ئاگادارییەک لە وەزارەتی خوێندنی باڵا بۆ خوازیارانی خولی ئینگلیزی

ئاڤا نیوز

وەزارەتی خوێندنی باڵا و توێژینەوەی زانستی، هەموو ئەو کەسانە ئاگادار دەکاتەوە کە ئارەزوو دەکەن بەشداری خولی زمانی ئینگلیزی بکەن، دەتوانن لە ئەمڕۆوە پسوولەی بەشداری لە ماڵپەڕی فەرمی ئەپلۆد بکەن.

وێنە گەورەکە: بڕوانامەی توانستی زمانی ئینگلیزی یەکێکە لە مەرج و ڕێکارەکانی خوێندنی ماستەر و دکتۆرا و وەرگرتنی نازناوی زانستی، بۆیە ساڵانە قوتابییان و دەرچووانی دبلۆمی باڵا، ماستەر و دکتۆرا، بەشداری لە خولی سەنتەرەکانی زمانی زانکۆ حکومییەکانی هەرێمی کوردستان دەکەن.

ئەوەی ئێستا ڕوودەدات: هەموو ئەو خوازیارانەی پسوولەی بەشداریکردن لە خولەکانی زمانی ئینگلیزییان بڕیوە، یاخود لە ڕۆژانی داهاتوو پسوولە دەبڕن، لە ئەمڕۆوە 25-11-2025، دەتوانن پسوولەی بەشدارییان لە خولەکانی زمانی ئینگلیزی لەم وێبسایتە  لە بەشی (request)  ئەپلۆد بکەن، بەمەبەستی دەستپێکردنی پرۆسەی وەرگرتن لە خولی فێربوونی زمانی ئینگلیزی لە سەنتەری زمانی زانکۆ حکومییەکانی هەرێمی کوردستان.

زانیاریی زیاتر: لە تەواوی زانکۆ حکومییەکانی هەرێمی کوردستان، 14 سەنتەری زمان هەن، ئارەزوومەندان، دوای تەواوکردنی ڕێکارەرکانی پێشکەشکردن، بەپێی تاقیکردنەوە لە ئاستە جیاوازەکانی سەنتەرەکە وەردەگیرێن.